បុណ្យភូមិត្រលប់មកវិញហើយ ដែលមហាជនទន្ទឹងរងចាំនូវការលេងល្បែងប្រជាប្រិយខ្មែរ សប្បាយៗ ស្លៀកក្បិន ក្រាលកន្ទេល មើលល្ខោន ពេលនេះនឹងរៀបចំចំនួន២លើក ដោយលើកទីមួយរៀបចំនៅថ្ងៃទី០៥ ដល់ ថ្ងៃទី០៦ ខែមេសា នៅផ្សារទំនើប ជីបម៉ុង ២៧១ មេហ្គាម៉ល។ លើកទីពីររៀបចំនៅថ្ងៃទី១១ ដល់ថ្ងៃទី១២ ខែមេសា នៅវត្ត ស្វាយអណ្តែត។

ចង់ដឹងអត់ថានៅក្នុងសប្តាហ៍ទីមួយនៃបុណ្យភូមិថ្ងៃទី០៥ ដល់ថ្ងៃទី០៦ មានលេងអ្វីខ្លះ?

សកម្មភាពសប្បាយជាច្រើននៅសប្តាហ៍ទីមួយ និង សប្តាហ៍ទីពីរ មានអ្វីពិសេសខ្លះ តស់មកអានទាំងអស់គ្នា

ការលេងល្បែងប្រជាប្រិយនៅភូមិកំសាន្ត៖

បង្វិលកងផ្សងគូរ ឬ ផ្សងសុខសិរី ឆ្នាំទាំង១២

វាយក្អមប្រជាប្រិយមហាសំណាង

ទាញព្រ័ត្របុរាណមានជ័យ

សិក្ខាសាលាធ្វើគោមផ្កាយចូលឆ្នាំ

បត់ផ្កា និង ធ្វើប្រទីប

បត់រូបសត្វ

ការលេងល្បែងប្រជាប្រិយខ្មែរជាច្រើនទៀត…

ក្រាលកន្ទេលមើលល្ខោននៅបុណ្យភូមិ ក្រោមប្រធានបទ «សម្បត្តិបេតិភណ្ឌអរូបីដែលត្រូវការការពារ ជាបន្ទាន់»

នាពេលរាត្រីនៃមហោស្រពបុណ្យភូមិ នឹងមានការស្លៀកក្បិន ក្រាលកន្ទេលមើលល្ខោនទាំងអស់គ្នា ដោយមានការសម្តែងពីក្រុមសិល្ប:ដែលនៅសល់មួយក្រុមចុងក្រោយនៅក្នុងប្រទេសកម្ពុជា ដែលត្រូវការពារ និង អញ្ចើញចូលរួមសម្តែងពី ទម្រង់សិល្ប:របស់ខ្លួនដែលមានដូចជា៖

ក្រុមល្ខោនយីកេអ្នកភូមិនិពេជ្រ ខេត្តកំពង់ធំ

ល្ខោនបុរាណវត្តកៀនស្វាយក្រៅ

ល្ខោនខោលវត្តស្វាយអណ្តែត

ល្ខោនពោលស្រី

ក្រៅពីសកម្មភាពទាំងអស់នេះក៏មានការប្រគុំតន្រ្តីសម័យដែលមានតារាចម្រៀងល្បីប្រចាំប្រទេសកម្ពុជាចូលរួមកម្សាន្ត ទៀតផង។ សូមបញ្ចាក់ផងដែរថាមហោស្រពបុណ្យភូមិបានប្រារព្ធធ្វើឡើងជារៀងរាល់ឆ្នាំ និង ទទួលបានសន្ទុះនៃការ គាំទ្រពីបណ្តាអ្នកស្រុកបុណ្យភូមិដែលមានវត្តមានចូលរួមជាបន្តបន្ទាប់ ដែលជាសមិទ្ធផលមួយសមស្របទៅនឹងគោលបំណងរបស់កម្មវិធីបុណ្យភូមិ ដែលចង់ពាំនាំនូវបរិយាកាសអបអរសាទរទៅកាន់ពិធីបុណ្យចូលឆ្នាំខ្មែរប្រពៃណីជាតិ តាមទម្រង់បែបបទរបស់អ្នកស្រុកអ្នកភូមិពីជំនាន់ដើមរបស់ខ្មែរ ក៏ដូចជាចូលរួមលើកស្ទួយ ផ្សព្វផ្សាយ អភិរក្សទម្រង់សិល្បៈ ប្រពៃណី ទំនៀមទម្លាប់ រួមជាមួយនឹងសិល្បៈបុរាណខ្មែរ។ មហោស្រពសិល្ប:បុណ្យភូមិ រៀបចំដោយ ភ្លើងគប់ PlerngKob នាំមកជូនដោយ​ Cambodia Water សហការឧបត្ថម្តដោយ Chip Mong Bank, KIZZ, IZE ដៃគូផ្សព្វផ្សាយ: Kampucheers, VAYO FM Radio, Fast News Daily, Popular Magazine, The Phnom Penh Post, គំនិត-Komnit Solution , EAC News, Troryorng - ត្រយង, MUDH, 123 Creative House, NEXT Digital Media - Cambodia, អារម្មណ៍Studio